Traña-Matiena Eskolaren hezkuntza eskaintzak Haur Hezkuntza, 2 urtetik 6 urtera, eta Lehen Hezkuntza, 6 urtetik 12 urtera, barne hartzen ditu. Eskaintza hori osatzeko, eremu berean daude kokatuta Haurreskola eta Abadiñoko Institutua. Lehena 0 eta urte 1eko mailak hartzen dituena, eta, bigarrena, Derrigorrezko Bigarren Hezkuntza eskaintzen duena (12 eta 16 urte arteko ikasleentzako).

Haur Hezkuntzako etapan gure helburua, familiekin elkarlanean, ikasleen garapen osoan laguntzea da, eta, era berean, Lehen Hezkuntzara bidean, oinarrizko konpetentziak lortzeko zimenduak finka ditzaten.

Lehen Hezkuntza, Oinarrizko Hezkuntzaren etapa bat da eta derrigorrezkoa da. Aurreko etapan hasitako prozesuari jarraipena ematen zaio, hau da, ikasleen gaitasunen garapen integrala eta oinarrizko konpetentzien lorpena, hurrengo etapetan eta bizitzan zehar baliatuko dituztenak.

Konpentzentzien lorpenaz gain, eskola inklusiboaren planteamenduan oinarrituta, ikasleen aniztasuna kontuan hartzen dugu eta ikasteko zailtasunak detektatu eta lantzen. Gainera, tutoretzen bidez eta familiekiko harremanen bidez, ikasteko giro egokia eraikitzen dihardugu.